Sunday, January 14, 2018

Supem Hangum Oben Epa - Lakshman Wijesekara & Pradeepa Dharmadasa | Story behind the Sinhala songs

සුපෙම් හැඟුම් ඔබෙන් එපා
මිතුරුදම් විනා
නෞකාවකි මා ඈත සමුදුරේ
මා පහන් ටැඹයි මෑත ගොඩබිමේ //

තරු එළිය නුදුටු රාත්‍රි කාලයේ
දැඩි සිතකින් දුරු ගමන යමි ඉතින්
කිසිදින අප හමුනොවන බව දනිමි
සිහිනය මිය යා යුතුය මේ ලෙසින්

සුපෙම් හැඟුම්......

දිවයුරු සැඟවෙන මොහොතක තනිවී
ඉකිබිඳිමි වියරු වී පාළුවෙන්
පියදසුනකි තනි හිතක නොමැකෙනා
නෙතු වෙහෙසමි යළි දකිනතුරු දුරින්

සුපෙම් හැඟුම්......

ගායනය -  ප්‍රදීපා ධර්මදාස සමගින් ලක්ෂ්මන් විජේසේකර
සංගීතය - රෝහණ වීරසිංහ
පදරචනය - කපිල කුමාර කාලිංග




Mindada Hee Sara - Pandith Amaradewa | Story behind the Sinhala songs

මින්දද හීසර වැදී සැළෙන හද
නංවන දුක් ගී ඔබට ඇසෙනවද
නන්දන මල් අතුරා ඇති යහනට
කන්ද කපා පායන් රන් පුන් සඳ

මින්දද හීසර වැදී සැළෙන හද.....

තුරඟෙකු පිට නැගි නීල වලාකුළු
ගුවන් ගැබෙන් ඔබ ඇදෙන වෙලේ //
පිබිදුනු දෑසින් බලා හිඳිමි මම //
කුසුම් සිනා කැන් හද පුරවා

මින්දද හීසර වැදී සැළෙන හද.....

මෙතුවක් කල් මුව මඬල වසා සිටි
අන්ධකාර සළු පටින් මුදා //
නෙත් මිණි පහනින් පහන් කරනු මැන //
අනාගතේ මන් පෙත පාදා

මින්දද හීසර වැදී සැළෙන හද .....

ගායනය - පණ්ඩිත් අමරදේවයන්



Iri Thelunu Wala - Amarasiri Peiris | Story behind the Sinhala songs

ඉරි තැලුනු වළා උඩු වියන් යටන්
මුදු තාර ඇතිරිල්ලේ
යමු යමු යමු අපි ඇවිද යමු ප්‍රේමියේ
සිව් දෙසින් හඹා එන
මොටෝ රථ රඟ සෙනඟ රවටමින්

වට පිටේ සීරුවට
විදුලි ඇස් සිනාසේවී
නොරැවටී යන්න යමු
කහ ඉරෙන් එතෙර වීලා

රිය පෙලේ කිරුළු හිමි
රජවරුන් අත වනාවී
බිම බලන් යන්න යමු
කහ ඉරත් රැළි වැටීලා

ගායනය - අමරසිරි පීරිස්
තනුව: තිස්සසිරි පෙරේරා
ගේය පද: සමන් අතාවුදහෙට්ටි




Kolamba Duwanniye - Samitha Mudunkotuwa | Story behind the Sinhala songs


කොළඹ දුවන්නියේ හෙට පාන්දර ඇවිත්
මං එනතුරු ඉස්ටේසමේම නැවතී ඉඳපං
කීවාම මොකද බං මටනං බයත් හිතේ දැං
උඹ වගේ ගමං ගිහිං නෑනෙ මං

කොළඹ දුවන්නියේ.....

එක යාළු රැළක් උඹ එක්කලා නඩේ ගැහෙන්නේ
ඔය කොළඹ රටේ ගස්ගල් වුනත් උඹ අඳුනන්නේ
එහෙ අළුත් යාළුවොත් මට මුණගැහෙයිද මන්දා
ගංගොඩේ ඉතිං ඒ ගැන කුචු කුචු ගාන්නෙපා

කොළඹ දුවන්නියේ.....

දිග පීලි උඩිං කොහොමද උඹ නොවැටී යන්නේ
බිං ගෙවල් මැදිං කළුවරේම පාර දකින්නේ
මට නොදැන ගිහිං මමත් පීලි පනීද මන්දා
අනෙ එහෙම වුනොත් මේ මෝඩිට හූ කියන්නෙපා

කොළඹ දුවන්නියේ.....

ගායනය - සමිතා මුදුන්කොටුව



Hima Diyawee Himalaye - Amarasiri Peiris | Story behind the Sinhala songs

හිම දියවී හිමාලයේ
යමුනා ගඟ නගයි තරංගා..
සුදු පෙණ කැටි බලන්න රාධා..
සුළඟ හමයි සීතල සාදා..
සීතල ගිනි ගනීද ක්‍රිෂ්ණා..

සිනා රැලි නගා උතුරණ
ඔය හදවත් නීල ජලාසේ..
පීණන මේ ස්වර්ණ හංසයෝ..
අකීකරුද මෙතරම් රාධා..

ඉඩ දී දෙන්නට දඩුවම්
දෑස පියා ගන්නම් ක්‍රිෂ්ණා..

හිම දියවී හිමාලයේ...

මල් පෙති පොඩිවී ඉකිලන
මේ හෝපලු යහන් තලාවේ..
සඳ දිය මිණිමෙවුලට වැටිලා..
දෑස නිලංකාරයි රාධා..

ගිලිහී ගියදෙන් මිණි කැට
දෑස වසා ඉන්නම් ක්‍රිෂ්ණා..

හිම දියවී හිමාලයේ...

ගායනය : අමරසිරි පීරිස් සමඟින් වසන්තා තිලකාංගනී
පද රචනය : ධම්මික බණ්ඩාර
සංගීතය : ඩැනිස්ටර් පෙරේරා