Ran Dholwen Kendawa yami mama

	ඈත ක්ෂිතිජයෙ හැඩට රුවින් දිලෙන තරුව ඔබ නම් මේඝ වලා සළු පට අතරින් මම ඔබ වෙත එන්නම් ඉරට මුවාවෙන් සඳට මුවාවෙන් අපි ඉමු පිලිසඳරේ රන්දෝලවෙන් කැඳවා යමි මම කුමරිය ඔබ මාගේ...... සඳළුතලාවේ මුණින් තලා වී කඳුළැල් පිරුණු නෙතින් සමුගන්නම් මම කුමරිය ඔබගෙන් ආයෙ දකිනු රිසින්.....

Ma sitha Miyuru kalpana

මා සිත මියුරු කල්පනා
රස පද වැලක පෙරළුනා
මිහිරියෙ ඔබට බැඳුනු ප්‍රේමයේ නමින්
නැවුම් සිතක ඔබට බැඳුනු ප්‍රේමයේ නමින්...

රුවැති මලක් මඳ සුළගේ සැලෙන සැටි සිතා
බඹර තුඩක් මල් පෙති මත ලියයි පෙම් කතා
ඔබට කෙලෙස අමතන්නද නොහැක ගනු සිතා
දයබරව ඔබට ලියමි සෙනෙහසක් පතා...

මා සිත මියුරු කල්පනා...

රණමයුරෙක් මයුරියකගෙ රැඟුම ගැන සිතා
තුඩින් තුඩග බැඳුනු පෙමක් අගෙයි ගනු සිතා
ඔබ අමතන මෙවන් පතක පිළිතුරක් පතා
දැනගන්නට මා රිසියෙන් කිමද ගත් සිතා..

Mata epa Obe hasareli Bidhak

මට එපා ඔබේ හසරැලි බිදක්
හද වේදනා දෙනවා
මට එපා ඔබේ දෙනුවන් කැළු
හද වේදනා දෙනවා

සිහින ලොවේ මා අද තනි වෙනවා
සිතුවිලි සයුරු තෙරේ
නුඹට කාරි නැත මගේ දුකට මං
ගී පද වැල් ලීවේ...

මට එපා ඔබේ...

මතු දිනයකදී මාගෙන් සමුගෙන
ඔබ ඉවතට යනවා
අපේ මතකයේ බිදුවක් ඔබ හට
තිබුනොත් සෑහෙනවා...

මට එපා ඔබේ...