Wednesday, December 7, 2011

Samugannado

සමුගන්න දෝ... ආයේ
හමුවෙන්න දෝ
අවසන් හිනාවෙන්ම
වෙන් වෙන්නදෝ...

පෙරදා බැඳී ආදරේ
හිරුසේ ගිලී සාගරේ
මට බෑ ළගින් ඉන්න ගොළු වූ ලෙසේ...
හැමදා සුසුම් ලන්න හැකිදෝ මෙසේ...

සමුගන්න දෝ...

මතුදා දෑතේ වෙලී
පැතුසේ සෙනෙහේ බැඳී
ළංවෙන්න හිනැහෙන්න පෙරසේ මා හා...
කඳුළින් සුසුම් රෙල්ල දියවී ගියා...

සමුගන්න දෝ...

Sunday, September 25, 2011

Dewa Mandire


දේව මන්දිරේ...
වැතිරී බැතියෙන් පුදසුන අබියස
ආයාචනා කරමි දැවෙන සිතේ
සංකා සෝ දුක් නිවන ලෙසේ

අපටම වෙන්වුණු අපගේ ලෝකය
යදම් පවුරු ලා දොරගුළු ලා ඇත...
දෙතැනක තනිවුණු දෙසිතක සෙනෙහස
කවදා හමුවේදෝ

දේව මන්දිරේ...

සෙනෙහස බැඳ දා ඉවත බැලූ සඳ
ඈ තනිවෙනවා රුදුරු ලොවේ අද
පහන් හැඟුම් අප හමුවන දින
කවදා ලංවේදෝ

දේව මන්දිරේ...


Karadiya Gebare

කරදිය ගැඹරේ තුන්යම ගෙවුණේ
නුඹගේ දෑතට දිරිය වඩන්නයි
සුහුඹුල් අත්පා යදඬු කරන්නයි
කිරිකැටි පුතුනේ...

අව්වට වැගිරෙන දාඩිය වැස්සේ
කළුගල් තලලා මහ මං තැනුවේ
නිවහල් ලොවකට නුඹට වඩින්නයි
කිරිකැටි පුතුනේ...

කරදිය ගැඹරේ...

දුම් රොටු අතරේ කම්හල් ඇතුළේ
දැතිරෝදෙට ගත ජීවය දුන්නේ...
නව මිනිසකු නව ලොවට පුදන්නයි
කිරිකැටි පුතුනේ...

කරදිය ගැඹරේ...

Wednesday, September 14, 2011

Obata Sitha Adare Karai

ඔබට සිත ආදරේ කරයි - දෙතොල ගොළුවී සිටියි
නැගුනු සෙනෙහේ කියනු බැරිවී
මගේ සිත වේදනා විඳියි...//

ලවන් හසකැන් නුවන් කැල්මන් - හොඳින් හඳුනන්නෙ ආදරේ
නුවන් රැහැනින් බැඳෙන්නට පින් - නොමැතිදෝ මා කෙරේ
මගේ විජිතේ සිනා නොමැකේ - විඩාපත් වේද ජීවිතේ
ඔබේ ඇසුරේ ඔබේ සෙවනේ - නවාතැන් වේද මාවතේ

ඔබේ පෙම් ලොල් හදේ නොකැලැල් - ලැගුම් සොයමින් නුවන් අයා
යොවුන් බිඟුදැල් හෙලූ හසරැල් - මසිත සුසුමන් දවා ගියා
මගේ විජිතේ සිනා නොමැකේ - විඩාපත් වේද ජීවිතේ
ඔබේ ඇසුරේ ඔබේ සෙවනේ - නවාතැන් වේද මාවතේ

Mulu Lowa Magen asawee

මුළු ලොව මගෙන් අසාවී - ඔබ ගැන කුමක් කියම්දෝ...
මගෙ සිත මගෙන් අසාවී - ඔබ ගැන කුමක් කියම්දෝ...

මට වේදනා නොදුන්නැයි - කීවත් කුමක් කියයිදෝ
ඔබ මට දුකක් නොදී යයි - කීවත් කුමක් කියයිදෝ
මා හද  ලෙයින් ලියූවත් - ලොව මට කුමක් කියයිදෝ

මුළු ලොව මගෙන් අසාවී...

ඔබ ගැන කීවා නොකීවත් - මිනිසුන් සිනා නොවෙයි දෝ...
ඔබ නිවැරදියි කියූවත් - මිනිසුන් කතා නොවෙයි දෝ...
ඔබ යළි මගේම වූවත් - මිනිසුන් කුමක් කියයිදෝ

Tuesday, September 13, 2011

Me bus newathuma


මේ බස් නැවතුම පෙර හැම දිනකම
අප හමුවන බව දැන උන්නේ...
ඔබ සමුගෙන බව මා තනිවුණු බව
බස් නැවතුම තව නෑ දන්නේ...

ඉස්සර හවසක මා එනතුරු ඔබ
මෙතැනම හිටියා දෙනෙත් අයා
එකම රියක නැග එකම අසුනෙ හිඳ
ගිය හැටි මතකයි තවම එදා...

මේ බස් නැවතුම...

ප්‍රේමය නිමවුණු මා අද තනියම
මෙතැනින් රියකට ගොඩ වෙනවා
ඒ රියහිම ඔබ තව කෙනෙකුන් ළඟ
එකම අසුනෙ ඉඳගෙන යනවා...
මේ බස් නැවතුම...





Monday, September 12, 2011

Sellamge Palu wela

සෙල්ලම් ගේ පාලු වෙලා බෝනික්කා තරහ වෙලා
කෝම් පිට්ටු මලිගාව කැඩිලා ගිහිල්ලා
ගේත් එක්ක පාළුවෙලා පුංචි පුතා නෑ...//

චන්ඩි කමට රංඩු කරලා අම්මා එක්ක තරහ වෙලා
තාත්තගේ ඔඩොක්කුවේ හුරතලේට වාඩිවෙලා...//
හබුං කටයි බත් දෙකටයි කිව්ව පුතා නෑ
පුංචි පුතා සීයලාගේ ගෙදර ගිහිල්ලා...//

බිංකුණ්ඩෝ බිම නටවල වැලි සෙල්ලම් බතක් උයපු
හඳ මාමා රන් තැටියට කිරියි පැණියි ගෙනත් කවපු...//
අතුරු මිතුරු දඹදිවතුරු රාජකපුරු නෑ
පුංචි පුතා සීයලාගේ ගෙදර ගිහිල්ලා...//

Ma ahase Liyu de

මා අහසේ ලියූ දේ
පෙනුණේ නුඹට විතරමයි
මා සුළඟට කියූ දේ ඇහුවේ
කවුද නුඹ තමයි...
එහෙව් නුඹට නොදැනුණේ...
නුඹට දුන්න හිත තමයි...
මගේ කියා මට තිබුණෙත්
ඒ එක හිත විතරමයි...
විතරමයි... විතරමයි...
ඒ එක හිත විතරමයි...

ප්‍රාර්ථනා මහ කන්දේ
කළුවර පාමුල උන්නේ මං
නුඹේ නුරා තරු එළියේ
කඳු මුදුනට ගෙන
නොගියා නම්...
අදත් මා හිඳීවී තවත් නුඹ පතාවී
නුඹ ගැනම හිත හිතා ඉන්නට...
හිතවත් මට තියේවී... මා අහසේ...
විතරමයි... විතරමයි...
ඒ එක හිත විතරමයි...

Wednesday, August 24, 2011

Hanthanata Payana Sada




 

Saturday, August 20, 2011

Laa sanndha eliyea

ළා සඳ එලියේ...
නා පෙති හැලිලා...
නාමල් සුවඳයි විහිදෙන්නේ...
මා දිවි රැය සුවඳින් මල් පුබුදා...
සඳ දිය ඉල්ලයි හිමි සඳුනේ...
මවත් ඔබයි මගේ පියත් ඔබයි මගේ
පිළිසරණත් ඔබමය වන්නේ...
අද සිට මගෙ ඉටු දෙවියන් ඔබවේ...
ඔබගෙනි සැප දුක විමසන්නේ...
ළා සඳ එලියේ...
නා පෙති සිඹලා තරු එළි නිවලා
සඳවත සැතපෙයි මල් යහනේ...//
ඔබේ දෙපා මත හිස රඳවන්නම් 
පළමු වතාවට හිමි සඳුනේ...//


Obe Sina Laga Netha newthuna da

ඔබේ සිනා ළග
නෙත නැවතුන දා
ඔබේ කත ළඟ
සිත නැවතුන දා
ප්‍රේමය හැදින්නෙමි...//
මේ ලෝ තලයේ...

කුමටද උපමා ඉතිහාසේ උන්
ප්‍රේමවන්තයන්ගේ...
කුමටද ආදරයේ පෙම් සැමරුම්
පෙම් පාරාදීසෙන්...
ඉමක් කොනක් නැති ආකාසේ
තරු පායා එන සේමා...
ඉමක් නිමක් නැත
පෙම් හදවත් තුළ
පෙම් සිතුවිලි බෝමා...


Hitha Gawa daga kala

හිත ගාව දඟ කළා නෙතු ගාව හිනැහුණා
පැතුමකට ඉඟි කළා...
හදක ආරාධනා...

සන්සුන්වූ කල්පනා විජිතයේ පා වුණා
ඔබේ සෙනෙහස ගෙනා... මිහිරි ආරාධනා...
මල් පිපුණ තාරකා... විමානේ තනි වුණා...
හැගුම් මංමත් කළා... සුසුම් ආරාධනා...

හිත ගාව දඟ කළා...

සිනිඳු මල් පෙති පුරා... බඹර ගී ලියැවුණා...
සිව් නෙතක් ළං කළා... ඔබේ ආරාධනා
කුරුළු ගී පාවුණා... නිල් ගුවන් ගැබ පුරා...
වසත් කල ළං කළා ස්නෙහ ආරාධනා...

හිත ගාව දඟ කළා


Kandulu Kathawe...

කඳුළු කතාවේ නිමක් දුටුව දා
සිහින ලතාවේ මලක් පිපුණ දා...//
සතුටු ගඟක් ගැලුවා
හදට හදක් බැදුණා...

ආසිරි චාමර පවන්  සැලී
සෝ දුක් සංකා  සෙමින් මැකී...//
දෙගුරුන් මිතුරන් සුපැතුම් මැද්දේ
අපේම ලොව අපි තනි වූවේ...

කඳුළු කතාවේ...

සුසුමක පා කර හසුන් යවා
දෙතැනක තනිවී හඬා දොඩා...//
ගෙවුණු අතීතෙන් අප සමුගත්තෙමු
අලුත් ලොවක රන් කිරුළු දරා...

කඳුළු කතාවේ


Saturday, August 13, 2011

Mage Atheetha diwiye

මාගේ අතීත දිවියේ
සැමරුම් මැකී මැකී
කුමරි ඔබේ සිනාවේ
කොහේදෝ මුලාවී...

මාගේ කුමාර කාලේ
සෙනෙහේ අතීතයේ
පෑයූ සුපුන් සඳක් වාගේ
අප්සරාවියේ
ඇයිදෝ වෙනස් වුණේ මහදේ
වේදනා මවා...

මාගේ අතීත...

අපගේ පැතුම් විමානේ...
වෙන්වීලා එක්වුනේ
භවයෙන් භවේ පැතූ අපගේ
ආදරේ නිසා...
කාලේ ලඟ වුණා ආයේ
වේදනා නිවා...

Tharu Pipuna Gana Ahasa

තරු පිපුණ ගණ අහස මම නමි
ඒ අහසේ පුරා හඳ වෙන්න සුදු රුවනි
වැසි නොවට මරු කතර මම නම්
ඒ පොළොවේ දිය බිඳුව වෙන්න සුදු රුවනි

හද පෙළෙන චණ්ඩ රළ මම නම්
ඒ නදියෙ නිසල දිය වෙන්න සුදු රුවනි
ප්‍රේමය අහිමි හඳ මගේ නම්
ඒ හඳට ආදරය දෙන්න සුදු රුවනි

නෙතු පෙළෙන කැල්මේ
සිනා සඳ පානේ...
ඔබ ඇවිත් මගෙ ලගින් ඉන්නවා වගේ දැනෙයි...
ඒ බලන බැල්මේ හදක හසරැල්ලේ
අපි හඩින් බැඳුණු වග ලෝකයා නොම දනී...

තරු පිපුණ...

ජීවිතය අතරේ ආදරය නැවතී
පෙම් කවක් සදාතන හදට කොඳුරාවී
මේ ගී ගායනා ආල හද වේදනා
මහ බඹුන් හෙට දිනේ අප නමින් ලියා වී...
තරු පිපුණ ගණ....

Friday, August 12, 2011

Dewa dara gas athare

දෙවදාර ගස් අතරේ
එබී බලන සඳවතියේ
මාත් එක්ක මේ පාරේ
ආයෙ එන්නේ නෑ
මින් පස්සේ මං විතරයි
ඈ එන්නේ නෑ...

පුංචි ළදැරියක වාගේ
මා සුරතේ දැවටීලා...
එ කාලේ ඈ ආවා ඔබත් දන්නවා...

දෙවදාර ගස් අතරේ...

මියුරු සරින් ඇය මා හා
තෙපළු ඒ ප්‍රාර්ථනා...
සුළගේ පාවී ගියදා මා තනි වුවා

Sonduru Atheethaye nimala pethuma wee


සොඳුරු අතීතයේ
නිමල පැතුම වී...
මගෙ හදතුළ ඔබ ඉන්න ඇති...
ඒ හින්දා යළි සෙනෙහෙ සිතින් අපි
ආදරයෙන් හමු වෙන්න ඇති...

කඳුළු සුසුම් මැද සතුටු සිනා මැද...
බවය පුරා ළඟ ඉන්න ඇති...
එදත් මගේ සිත අද මෙන් කැපවී
ඔබේ නමට පුද දෙන්න ඇති...

නොසැලී නොතැවී බාධක හමුවේ
ආ හින්දා ජය ගන්න ඇති...
ආත්ම ගණන් පුරුදු ලෙසින් අපි
මේ අයුරින් හමුවෙන්න ඇති...

සොඳුරු අතීතයේ...

Friday, August 5, 2011

Ipadunu da ma hada watennethi


ඉපදුණු දා මා හඬා වැටෙන්නැති
අම්මේ ඔබ හිනැහෙන්න ඇති...
දෙතනේ කිරි දී මා සනසන්නැති
අම්මේ ඔබ හිනැහෙන්න ඇති...

බඩ ගා දණ ගා මා නැගිටින්නැති
වැටි වැටි යළි නැගිටින්න ඇති..
අම්මේ ඔබ හිනැහෙන්න ඇති...

මට නැගිටින්නට ඔබ අත දෙන්නැති
අම්මේ මා සිප ගන්න ඇති...
අම්මේ ඔබ හිනැහෙන්න ඇති...

වන්දි ගෙවන්නට අද මට පිං නැති
බුදුන් වඳින ලෙස වඳිමි වැටී
ඔබ මතු බුදු බව ලබනු ඇති...

Ma sitha Miyuru kalpana


මා සිත මියුරු කල්පනා
රස පද වැලක පෙරළුනා
මිහිරියෙ ඔබට බැඳුනු ප්‍රේමයේ නමින්
නැවුම් සිතක ඔබට බැඳුනු ප්‍රේමයේ නමින්...

රුවැති මලක් මඳ සුළගේ සැලෙන සැටි සිතා
බඹර තුඩක් මල් පෙති මත ලියයි පෙම් කතා
ඔබට කෙලෙස අමතන්නද නොහැක ගනු සිතා
දයබරව ඔබට ලියමි සෙනෙහසක් පතා...

මා සිත මියුරු කල්පනා...

රණමයුරෙක් මයුරියකගෙ රැඟුම ගැන සිතා
තුඩින් තුඩග බැඳුනු පෙමක් අගෙයි ගනු සිතා
ඔබ අමතන මෙවන් පතක පිළිතුරක් පතා
දැනගන්නට මා රිසියෙන් කිමද ගත් සිතා..

Adura Nasannata Pahanak lesa delwee

අඳුර නසන්නට
පහනක් ලෙස දැල්වී
හත්දිනත් තරු
පොකුරේ ඔබ සැඟවේ...

මට අහිමිව යන ඔබේ සිනා කැකුලයි
සමු ගන්නට බැහැ සිතේ හැඟුම් සසලයි
සිත් රිදවන්නට සෙනෙහස මෝදු වෙලා
අපි දෙන්නා අද දෙතැනක නතර වෙලා

දෙසිතක සැඟවුණු සෙනෙහස මතක තියේ
හඬා වැටෙන්නට අපි නොදරුවන් නොවේ
මට දුන් සවියම ඔබට සවිය වේවා
තහනම් බැමි නැති ලොවකදි හමුවේවා

Desa wasagami oba nopenennata

දෑස වසාගමි ඔබ නොපෙනෙන්නට
සිහිනෙක දැවටී ඔබ එනවා ...
හිත හිර කරගමි ඔබට නොයෙන්නට
සිතුවිල්ලක් වී ඔබ එනවා

අහසට ඔසවන විටකදි
නෙත් යුග හිරු සඳු වී ඔබ හිනැහෙනවා...
මිහිමත පියකරු දසුනක් වේනම්
ඔබ රුව ඒ තුළ දැවටෙනවා...

පාළුව ඉවසා මා තනි වෙද්දී
සුසුමක් වී පසුපස එනවා...
කල්පිත ලොකේ ගී පොත පෙරළා
ගීයක් වී ඔබ වැළපෙනවා...

අහසත් පොළොවත් ඔබටද මා හට
නැතිවද ඔබ මා හැර යන්නේ
තහනම් දේසේ බැදි පෙම් බිඳ දා
කෙදිනද ඔබ මා හමු වන්නේ...

Wednesday, July 27, 2011

Snehaye Nagarayai

ස්නේහයේ නගරයයි සිත මගේ
මාවතක් හෝ නොවූ රාගයේ
වන්දනාවේ ගිහින් ඉන්න
ආසයි මටත් කොයි ඉසව්වේද
ඒ මෙත් පුරේ

යෞවනයේ නිල් නුවන් සේ රැඳී
රන් මලක් වේද හද සල්වනේ
නෙත් පහන් දල්වලා
සිත් සඳුන් දුම් දමා
රන් සිනා පාමි පූජාසනේ...

ස්නේහයේ...

මේ නවාතැන් ගෙවා ආත්මයේ
යනතුරා මිලින වී මතුදිනේ
සෙනෙහසේ සිහි නමින්
දොවන සේ යදිමි මා
පූජනීයයි උතුම් ආදරේ...

Viduli Dumriye Chanchala nadhaya


විදුලි දුම්රියේ චංචල නාදය
සවනත වැකෙන සඳේ...
කඳුළු පිරි දෙනෙතින් අතරින් මිහිරක්
මතුවිය සැලෙන හදේ...

සීත කඳුකරේ මීදුම අදිකයි
පමා වුණෙමි සොඳුරේ...
රූපවාහිනී අංජන රේඛා
නළඟන ඔබද ළදේ...

ආදර සුවඳින් දසතම මත්වෙන
වසන්ත සුළඟෙ හැපී...
සාගර විලමත පාවෙන උයනේ
මී විත පුරමු අපි...
මිනිසා පළමුව සඳ තරණය කළ
විසිතුරු කතන්දරේ දුර සඳ මඬලේ
සිනමා මැදුරක නරඹමු නිසංසලේ...

පාවෙන සඳකැන් සිසිලෙන් නෑවෙන
ආදර සඳුන් වනේ... නරඹමු සුරඟුන්
රඟදෙන රැගුමන් පියඹන අවන් හලේ...

මිනිසා හට දින සොයමින් වෙහෙසෙන
පරසතු කුසුම් විලේ ජයපැන් තොලගා
අමරණීය වන කුමරුන් මමය ඔබේ....

Tuesday, July 26, 2011

Api Ayeth hamu nowuna nam

අපි ආයෙත් හමු නොවුණා නම්
ඉස්සර දවසක මියගිය සෙනෙහස
යළි ඉපදී මා හද හඬවන්නට
අපි ආයෙත් හමු නොවුණා නම්...

ඔබ නාඳුනනා විරහ වේදනා
පෙරදා වින්දේ මා පමණයි...
හුඟ කලෙකින් හමුවී සෝ ලතැවුල්
අදත් විඳින්නේ මා පමණයි...

අපි ආයෙත්...

සමුගන්නට නම් අහිමි ආදරෙන්
ආයෙත් ඇයි අප හමුවන්නේ...//
ආදරයේ කඳුළින් මිය යන්නද
ජීවිත ඉරණම විසඳෙන්නේ...

අපි ආයෙත්...

Puda sunaka nisala bawa

පුදසුනක නිසල බව
ලද පෙමක තිබුණි නම්
හදවතක නොවේ මේ තරම් සුසුම්
මට කියනවාද මට කියනවාද
බැඳි ආදරයට ඇයි දුන්නේ රිදුම්

මල් විලක එලා තිබූ
මුදු සුවඳ නෙලාගෙන
සැනසිල්ල ළගින්
හිනැහෙන්න ගිහින්
ඔබ හඬන හැඬුම්
ආ.... ආ.... ආ....
ඔබ දන්නවනම් නෑ දෙන්නේ තැවුල්

පුදසුනක නිසල බව....

සිල් සදන ප්‍රභා ඇති
පෙම් වරම් උතුම් ලෙස
පුද දුන්නු බැතින්
පණ ගැහෙන තරම්
ලෙන්ගතු සිතකින්
ආ.... ආ.... ආ....
මැන බලනව නම් නෑ ඉන්නේ දුරින්

පුදසුනක නිසල බව

Sunday, July 24, 2011

Mage Punchi Rosa Male


Saturday, July 23, 2011

Aetha Duraka Desa pawela

ඈත දුරක දෑස පාවෙලා...
ගොළුවීලා... ඔහේ තනිවෙමු...
පළු ලොවක ඈත දුරක දෑස පාවෙලා...

පාසල් යාමේ බැඳිලා...
මානෙතු දෑලේ වෙලීලා පෑ මදහාසේ
ජීවිත කාලේ... මා සිත යාවි සඳා

ඈත දුරක...

මේ සිහිනේදී උදා වී
මා කවදා හෝළගාවී මේ භවයේදී
මේ දිවියේදී යා වෙමි දෑතේ
ඔබේ ඈත දුරක

Friday, July 22, 2011

Sihiwatanaya se kumak liyannada

සිහිවටනය සේ කුමක් ලියන්නද
ඔබේ සුවඳ රැදි සමරු පොතේ
සිතුවිලි සහසින් සිතක උපන්නත්
කුමක් ලියන්නඩ සමරු පොතේ....
දේදුනු පාටැති පිටුවෙන් පිටුවට
ආසිරි රේඛා සුහද පැතුම්...
ඔබේ නුවන් මට කීදේ රහසින්
ලියන්න ආසයි මියුරු සිතින්....

සිහිවටනය සේ....

ඈත දිහාවක ආදර වෙරළේ
අපි හමු වූයෙමු අරැණ උදේ...
එවන් අපේ පොඩි කතන්දරේ මම
ලියා තියන්නද සොදුරු ළඳේ...

සිහිවටනය සේ....

Athegili bedune ai me wilasata

අතැඟිලි බැදුනේ ඇයි මේ විලසින්
ඔබ හමුවෙන්න කලින්
සෙනෙහස ඔබගෙ කෙලෙස විඳින්නද
අන්සතු ළඳකි මෙමං...

ඔබ ළඟ ඉන්නට ඔබ ලැබ ගන්නට
මා හට නොමැත වරම්...
මිහිපිට මා හට නැහැ වෙන සතුටක්
ඔබේ රුව දකින තරම්...
සෙනෙහස ඔබගෙ කෙලෙස විඳින්නද
අන්සතු ළඳකි මෙමං...

සිත සිත ඔබ ගැන දින දින ල්තැවෙන
වෙන මා කරමි කුමක්...
හමුවුණෙ ඇයි අපි ඇසුරු කරන්නට
එය මා සිතට දුකක්...
සෙනෙහස ඔබගෙ කෙලෙස විඳින්නද
අන්සතු ළඳකි මෙමං...

සිතු පැතු සැමගේ නැහැ ඉටුවන්නේ
ලොව අප පතන ලෙසින්
මතු එක් වෙන තුරු යළි වෙන්වෙමු අපි
ඔබහට ආයුබොවන්
සෙනෙහස ඔබගෙ කෙලෙස විඳින්නද
අන්සතු ළඳකි මෙමං...

Thursday, July 21, 2011

Desa wasa sitiya....

දෑස වසා සිටියා ඔබේ රුව
ඇයිදෝ මට පෙනුණේ....
සවන වසා සිටියා ඔබේ හඬ
ඇයිදෝ මට ඇසුණේ...

දිවියට සැනසුම සෙනෙහස ගෙන දුන්
ඔබ වෙනුවෙන් මා ගී ගැයුවේ...
යුගයෙන් යුගයට භවයෙන් භවයට
ඔබ වෙනුවෙන් ජීවත් වූයේ...

දෑස වසා සිටියා...

බැඳි සෙනෙහස අමතක වීලා...
නිබඳව ඔබ මට පිටු පෑවේ...
හදවත රැඳි ආදරය නිසාමයි...
කිසිදින මා තරහ නොවූයේ...

දෑස වසා සිටියා...

Issara Bedhi Pema..

ඉස්සර බැඳි පෙම
සිත්වල සුවඳයි
යලි පුබුදන්න බැරි...
එක්කර අතැඟිලි
ඔබ ඔහු සමගයි
මට ඉවසන්න බැරි...

මගේ අසරණ ලොව අද මා පමණයි
එය සගවන්න බැරි...
ඔබ පතනා ලොව ඔබ ලබනා දින
මගේ සිත සතුට දකී...

ඉස්සර බැඳි පෙම...

ඔබ පියමන් කළ සමනල මාවත
මට යා ගන්න බැරි...
එක්කල දෑගිලි වෙන් නොම වේවා
පතනෙමි සුබාසිරි...

Monday, July 18, 2011

Sendhe Adura lowa galana welawata

සැඳෑ අදුර ලොව ගලන වෙලාවට
කවුළු පියන්පත් වැසෙන වෙලාවට
දහසක් දොම්නස් සිහින පවුරු මැද
තනිවුණු ඔබේ සුසුමන් සෙමෙන් විත්
මගේ සවනත පාරයි...//

තෙරක් නොමැති සිතුවිලි සයුරක් මැද
සරණ විටදි රැය ගෙවෙන තුරාවට...//
මහද සෙනෙහෙ ඔරුවේ නැගී ඔබ
එතෙර වන්න නිබඳේ ඒ ලොව වෙත
එතෙර වන්න නිබඳේ...

සැඳෑ අදුර ලොව...

නිමල පැතුම සපුරාගෙන හද තුළ
සිහින ලොවින් නෙත සරණ වෙලාවට...//
අරුණලු නැගෙන පැයේ කුසුමක් වෙමි
ජීවන මල් ගොමුවේ... ඔබේ ආදර
ජීවන මල් ගොමුවේ...

Sunday, July 17, 2011

Kohe yannada

කොහේ යන්නද
කොහේ ඉන්නද
ඔබත් ඇසුවා මගෙන්.......
මමත් ඇසුවා ඔබෙන්......

මං මුලාවී ජීවිතේ අපි
ළං වෙලා ඉමු මේ ලෙසින්
තවත් පෙම්වතියන් පෙම්වතුන්
එනතුරා මේ මාවතේ
ගමන් මග විමසා අපෙන්...

මේ ලෙසින් සසරේ පුරා අපි
ළං වෙලා සිටියේ හදින්
හෙටත් අද වාගේ..... බලා හිඳිමු
සිත් සතන් නැති ලෝකයා
පෙම් සුවේ දකිනා තුරා.....

කොහේ යන්නද.....

Oba giyama duka mata dee

ඔබ ගියාම දුක මට දී
දුක දරා ගන්න නොහැකී
ටජ් මහල් සිහින ඉතිරී
සිත අනාථ වී සරමී...//

ඔබ ගියාම දුක මට දී
හිරු හදිස්සියෙන් මියැදී...//
ලොව සැනෙන් අදුරේ ගිලුණි
හිරු උමතු දුකින් දැවුණි

ඔබ ගියාම...

ඔබ ගියාම දුක මට දී
ඔබ ගියා කියා නොසිතී
ඔබ ගැනම සිහින පුරමී
දුක තුළද ඔබ දකිමී

ඔබ ගියාම...

Kadulu Binduwa....

මටම පෙම් කර - නෙතග නිවසන
සද නොසිදෙන - සුනිල උල්පත
කඳුළු බිංදුව.....

සමනලිය නෙත ලැගුම් ගෙන හුන්
නුඹව පළවා හැරිය දා මං
උන්හිටිය තැන් අහිමි වීමෙන්
මවෙත වෙර බැද - පිටව ගිය නුඹ
කඳුළු බිංදුව.....

නිඩැල්ලේ ඔහෙ - ඉගිල ගිය ඇය
මගේ විජිතෙන් - වහන් වුණු සඳ
කොහේදෝ හිඳී ජීවතුන් මැද
මවෙත පෙම් බැඳ - පැමිණි සකි සඳ
කඳුළු බිංදුව.....

Samawa illa hada wetennata

සමාව ඉල්ලා හඬා වැටෙන්නද
ඔබ ආදරය කළේ...
පරාද කර මා හද රිදවන්නද
ඔබ ආදරය කළේ...
ඔබ ආදරය කළේ...

තරු නැති කළුවර
පාළු අහස් ගැබ
පුරා හඳක් මේ පයා ආ ඔබ
කිමදෝ වෙන්න ගියේ...
සමාව ඉල්ලා...

ඔබේ පෙමට වෙන්වූ මා හදවත
හඳුනන්නට බැරි වේදෝ ඔබ හට...
ඇයි මා අතැර ගියේ...
සමාව ඉල්ලා...

Saturday, July 16, 2011

Kiri dunne daruwantai

කිරි දුන්නේ දරුවන්ටයි සිරුරෙන් ඈගේ
පිරිපුන් මිනිසුන් වැඩුනේ බලයෙනි ඈගේ
ඒ කලගුණ නොදන්න හිස් මිනිසුන් වාගේ
එපා එපා මස් කන්නට කිරි අම්මාගේ

අහිංසක තිරිසන් ගවයාටත් පණයි තිබෙන්නේ
එවන් සතෙකු අහෝ අකාලයේ කිමද මරන්නේ...
ටිකක් හිතල බලනු ඌ පිරිසිදු තණකොල කන්නේ
නමුත් මිනිසත් බව ලැබු ඔබ ඇයි මළකුණු කන්නේ

කෙනෙක් තිස්පස් වසරක් කෑවොත් ගවමස් උයලා
බලනු තුන්සිය හැටපහ වැඩි කර තිස්පහ යොදලා
ගණන දොළොස් දහස් හත්සිය හැත්තැපහක් වෙලා
ඔබට තෙරුණාද ඔබකල පව් දුර දිග නොබලා...

කිරි දුන්නේ දරුවන්ටයි...

මුදල් තණ්හාවෙන් සමහරු ගවයා විකුණන්නේ..
අහිංසක සතෙකුගේ ඉරණම ඉන්පසු විසදෙන්නේ
යලිත් ඒ මුදලින් මස් ගෙනවිත් රස කර කන්නේ...
තමන් විකුණූ ගවයගේ මස් බව ඔහු නැහෙ දන්නේ...

ගිතෙල් මීකිරි එළකිරි පස්ගෝ රස සපයන්නේ
ඉවතලන පොහොරින් මහ එළවලු කොටු සරු වෙන්නේ...
මෙවන් සතෙකුගෙ මස් නොකන අයට සෙත සැලසෙන්නේ...
එවන් පිරිසිදු හදවත් තුළ දෙවියන් වැඩ ඉන්නේ...

Mangala Madu Samaya Patha

මංගල මදු සමය පතා
කුලගෙට ආ රූපිකාව
පාළු ලොවක තනිකරදා
දියඹට යනවා...
කුස ගින්දර නිවා ගන්න
දියඹට යනවා...
හෝ... හෝ... හෝයියා...

රැල්ල බිඳින අඳෝනාව
ජීවන මලපොත කියවයි
නිම් නැති නිම් වළලු පෙලේ
සම්පත ඇය සැනසුමයි
ඇය මට අත වනනු පෙනේ
ඉවුරු කොනේ තොටුපලේ...
හෝ... හෝ... හෝයියා...

අදුර බිඳින තාරකාව
කළු ලන්තෑරුම් එළියයි
ඔරුකද ඇතුලේ දැනුනේ
ඊයෙ ලද උණුසුමයි
ඇය මට අත වනනු පෙනේ
ඉවුරු කොනේ තොටුපලේ...
හෝ... හෝ... හෝයියා...

Saturday, July 9, 2011

Eka kirulak paladinnata behe

එක කිරුළක් පලදින්නට බෑ
එකම සිහසුණේ ඉන්නට බෑ
සුලෝචනා අප දෙදෙනාටම
එක රජදහනක රජ කරන්න බෑ

මගේ කදුළ ඔබගේ දෙතොලේ
සුවද සිනා රැල්ලක් වේවා...
සුලෝචනා දුක නොහදුනනා ඔබ
මේ ගැන තව ලත විය යුතු නෑ

ආදරයක් වෙනුවෙන් දෙන්නා
තරගයකට ඉඩ දිය යුතු නෑ
සුලොචනා අප දෙදෙනාටම
එක හදවතකට පෙම් කරන්න බෑ

කිරුළ සිහසුනයි රජ දහනයි
ඔබටම පවරා පිට වෙන්නම්...
සුලොචනා අප දෙදෙනාටම
එක හදවතකට පෙම් කරන්න බෑ...

Age sinahawa thahanam

ඇගෙ සිනහව තහනම්
ගෙදරින් මට තහනම්
සැලවෙයි ගෙදරට
ඇය හමුවුණොතින්
චර පුරුෂයො දැන් මා වටලා
යන එන හැම තැන මුර දාලා

යාබද නිවසේ ඇය ඉන්නේ
එනමුදු ගව්වක දුර වැන්නේ
එනමුදු ගව්වක දුර වැන්නේ
යාබද නිවසේ ඇය ඉන්නේ

පෙළපත කුලගොත වෙනස් වෙලා
නෑදෑ පියවර හරස් වෙලා
නෑදෑ පියවර හරස් වෙලා
පෙළපත කුලගොත වෙනස් වෙලා

ඇගෙ සිනහව...

Wasanthaye aga

වසන්තයේ අග
හමුවෙමු සොදුරියේ...
ලවැලි තලාවක
විසුල කුසුම් මත...
අතිනතගෙන පෙර නොකී කතා අසා...
අලුතින් සුසුමක්ගෙන වෙන් වී යමු
ලා සද නැගෙනා...
හෝරාවේ...

ගිමන් නිවන්නට ජීවිතයේ...
යළි කෙදිනද ඉඩ සැලසෙන්නේ...
නොදනිමු එය අප නොවී පමා
පියවර මැන යමු යොදුන් ගෙවා

වසන්තයේ අග....

දොරගුළු හැරලමු අපි දෙහදේ...
හිනැහෙමු පෙර අප පැතූ ලෙසේ...
කිසිවෙකු නොදකින නිහඩ පැයේ
තනිවෙමු මොහොතක් අපේ ලොවේ...

වසන්තයේ අග...

Isuru kodewwe


ඉසුරු කොදෙව්වේ පාළු ඉසව්වේ
අතීතයේ ඇදි පෙම් සිතුවිලි
බොද කරලන්නට ඇයි ඔබ සිතුවේ
මකා දමා දෙසිතක සටහන්

වියකී යන්නට සැරසුණු මල දැක
හිත හැඩුවා මුළු ලොවට හොරෙන්
සමුගෙන යන්නෙමි යලිත් නො එන්නට
මලේ සුවද ගෙන මලට හොරෙන්

ඉසුරු කොදෙව්වේ...

යලිදු පතන්නට පැතුම් පෙලක් නැත
හිත හැඩුවා මුලු ලොවට හොරෙන්
සමුගෙන යන්නෙමි යලිත් නො එන්නට
ඔබේ සුවද ගෙන ඔබට හොරෙන්

ඉසුරු කොදෙව්වේ...

Pem Kawak liyanawa

පෙම් කවක් ලියනවා මම ආයේ
මල් ගහක් ගහක් ගානේ...
ඔබ බිදක් නතරවී බැලුවෝතින්
හමුවේවි සිත මාගේ...

අතු අගට මල් පළන්දා
මග බලනවදෝ මන්දා
බිගු මාවතේ සුවදක් වෙලා
ඔබ ඈත එන හින්දා...

පෙම් කවක්...

බඹරුන් කැකුලින් විමසූ
රහසකි කිසිවෙකු නොඇසූ
මා කවක් ලියා නැත නමක් ලියූ
ඒ ඔබේ නම මා සැනසූ

පෙම් කවක්...

Samakooni Thrikonayaki

සමකෝණී ත්‍රිකෝණයකි ඔබත් මමත් ඇයත් තිදෙන
ඔබ එක මුල්ලක සිටියා ඇය තව මුල්ලක සිටියා
නෙත් සතරක පහස ලබා මම මේ මුල්ලේ සිටියා
සමකෝණී ත්‍රිකෝණයකි ඔබත් මමත් ඇයත් තිදෙන

ඔබ මගෙ ආදරය පතයි
ඇය මගෙ ආදරය පතයි
දෙන්නාටම මාත් හිතයි
ත්‍රිකෝණයේ පාද සමයි

සමකෝණී ත්‍රිකෝණයකි ඔබත් මමත් ඇයත් තිදෙන

සමච්ජේදනය කරලා
දෙන්නට බැහැ පෙම බෙදලා
අපි තුන් මුල්ලටම වෙලා ඉමු මුහුණට මුහුණ බලා

සමකෝණී ත්‍රිකෝණයකි.......

Thursday, July 7, 2011

Rathriya uda una

රාත්‍රිය උදාවුනා
නන්ද ඇයි නො එන්නේ

ඔබ හමුවූ දා පටන්
මා හදවත අවදියෙන්
රැය පහන් වෙලා යයි
නොවී නිදි දැහැන්

රාත්‍රිය උදාවුනා

ඔබ අවුදින් සිව් දිගින්
මා දෙනෙතේ දැවටෙමින්
සිත තැවුල් මවාලයි
පුරා රැය නිතින්

රාත්‍රිය උදාවුනා

Sihinayaki oba nihada mediyam re

ම්... ම්...
හා... හා...
සිහිනයකි ඔබ නිහඩ මැදියම් රැ
නිදන නෙත් යුග සනසනා...
සිතුම් රැළි ඔබ තනිව හිදි වේලේ
නිහඩ මා හද සනසනා...

ඉරකි ඔබ මට සදෙකි ඔබ මට...
කිසිදු කිසි විට සමුන්ගන්නා
සයුරු රළ ඔබ ඈත සමුදුර
සයුරු තෙර මා හමු වුණා...

සිහිනයකි...

යුග ගණන් අප වෙන්ම ආ මග සොදුරු
නිම්නෙක එක්වෙලා...
දුක් සුසුම් පිරි අපේ ලොව තුළ
සිනා මල් පෙති විසිරිලා...

හිරුට තනි නෙත සදුත් නැත තනිවී
එකම අහසක හමුවෙලා....
ලොවම සසලව බලා සිටියාවේ
යළිදු අප ඇත ළංවෙල... ම්... හා...