Mangala Madu Samaya Patha

මංගල මදු සමය පතා
කුලගෙට ආ රූපිකාව
පාළු ලොවක තනිකරදා
දියඹට යනවා...
කුස ගින්දර නිවා ගන්න
දියඹට යනවා...
හෝ... හෝ... හෝයියා...

රැල්ල බිඳින අඳෝනාව
ජීවන මලපොත කියවයි
නිම් නැති නිම් වළලු පෙලේ
සම්පත ඇය සැනසුමයි
ඇය මට අත වනනු පෙනේ
ඉවුරු කොනේ තොටුපලේ...
හෝ... හෝ... හෝයියා...

අදුර බිඳින තාරකාව
කළු ලන්තෑරුම් එළියයි
ඔරුකද ඇතුලේ දැනුනේ
ඊයෙ ලද උණුසුමයි
ඇය මට අත වනනු පෙනේ
ඉවුරු කොනේ තොටුපලේ...
හෝ... හෝ... හෝයියා...

Eka kirulak paladinnata behe

එක කිරුළක් පලදින්නට බෑ
එකම සිහසුණේ ඉන්නට බෑ
සුලෝචනා අප දෙදෙනාටම
එක රජදහනක රජ කරන්න බෑ

මගේ කදුළ ඔබගේ දෙතොලේ
සුවද සිනා රැල්ලක් වේවා...
සුලෝචනා දුක නොහදුනනා ඔබ
මේ ගැන තව ලත විය යුතු නෑ

ආදරයක් වෙනුවෙන් දෙන්නා
තරගයකට ඉඩ දිය යුතු නෑ
සුලොචනා අප දෙදෙනාටම
එක හදවතකට පෙම් කරන්න බෑ

කිරුළ සිහසුනයි රජ දහනයි
ඔබටම පවරා පිට වෙන්නම්...
සුලොචනා අප දෙදෙනාටම
එක හදවතකට පෙම් කරන්න බෑ...

Samakooni Thrikonayaki

සමකෝණී ත්‍රිකෝණයකි ඔබත් මමත් ඇයත් තිදෙන
ඔබ එක මුල්ලක සිටියා ඇය තව මුල්ලක සිටියා
නෙත් සතරක පහස ලබා මම මේ මුල්ලේ සිටියා
සමකෝණී ත්‍රිකෝණයකි ඔබත් මමත් ඇයත් තිදෙන

ඔබ මගෙ ආදරය පතයි
ඇය මගෙ ආදරය පතයි
දෙන්නාටම මාත් හිතයි
ත්‍රිකෝණයේ පාද සමයි

සමකෝණී ත්‍රිකෝණයකි ඔබත් මමත් ඇයත් තිදෙන

සමච්ජේදනය කරලා
දෙන්නට බැහැ පෙම බෙදලා
අපි තුන් මුල්ලටම වෙලා ඉමු මුහුණට මුහුණ බලා

සමකෝණී ත්‍රිකෝණයකි.......