Thun Hele Kele Thula Sinha Petaw - Nanda Malini | Story behind the Sinhala songs

තුන් හෙලේ කැලෑ තුල සිංහ පැටව් නැත උන් රට අතැර ගොසින් කොටු කර යදැලින් ඇති සිංහ පැටව් විලි වැද යති දැක හෙළයන්... සරු පොළොව මකා තණ කබල කකා සිංහයෝ සිඟති එතෙරින් සිහ රදුනට දාවූ සිංහ පැටව් තුටුවෙද අනුනගෙ ඉදුලින්... අප ධජයේ ඉන්නා සිංහ පැටව් පැනයන්නට පෙර මෙරටින් පිට රටුන් දොරින් දොර සිඟා නොකා සිත අලස සුවය දුරරින්... ගී පද : මහාචාර්ය සුනිල් ආරියරත්න තනුව : මර්වින් පෙරේරා ගායනය : විශාරද නන්දා මාලිනි

Ruk Aththana Mala Mudune - Nanda Malani | Story behind the Sinhala songs

රුක් අත්තන මල මුදුනේ - බඹරු නටන හැන්දෑවේ සැඳෑ අඳුර පියමං කර කවුරුද එන්නේ - පුතුනි බලන් යොමා නුවන් කවුරුද එන්නේ... මුතු පිනි දැල් සැලෙන උදේ - උදා දිමුතු හිරු එළියේ පුතු සවනට රහස් කියා - පියමං කරලා... අප වෙනුවෙන් දවස ගෙවා වෙහෙසී එන්නේ... පතොක් වැටිය උඩින් වැටී - දිවයුරු මියයන මොහොතේ පුරා හඳක් සේ ඈතින් - කවුරුද එන්නේ... පුතුනි බලන් යොමා නුවන් කවුරුද එන්නේ... ගායනය හා තනුව: විශාරද නන්දා මාලනී ගේය පද: මහින්ද අල්ගම

Sasara Seri Sarana Thek Oba Mage - Victor Rathnayake | Story behind the Sinhala songs

ඔබෙ දෙතොල් පෙති ලිහී පිපුණු හසරැල් විලේ හද දියව ගලායයි රැළි ලමින් සැලි සැලී මෙවන් සුව පෙර නොවිදි තුන් සිතම සලිතවේ සසර සැරි සරන තෙක් ඔබ මගේ ඔබ මගේ හිරු නිවී මුහුදු තෙර රාත්‍රිය එළඹිලා තරු කඩා වැටෙන විට අහස් ගඟ කළඹලා මට බලා ඉන්න බෑ ඔබෙ නුවන් පෙනෙනවා සසර සැරි සරන තෙක් ඔබ මගේ ඔබ මගේ නා ගසක් දළුදමා වසන්තය එළඹිලා මද පවන් රැල් වැදී සැලෙන විට කැළඹිලා මට බලා ඉන්න බෑ දෙතොල් ඔබෙ පෙනෙනවා සසර සැරි සරන තෙක් ඔබ මගේ ඔබ මගේ යුග ගණන් පැමිණි මග පැටලිලා වැරදිලා ඔබ මගෙන් වෙන්ව ගිය ලකුණු ඇති මාවතේ මට බලා ඉන්න බෑ පෙර ඇසුර හැ‍ඟෙනවා සසර සැරි සරන තෙක් ඔබ මගේ ඔබ මගේ අහස්තල පොළෝ තල ඔබට මට පොදුවෙලා හදවතින් එක්වුණත් ගතින් දෙදෙනෙකු වෙලා මට බලා ඉන්න බෑ සියොළඟම තැවෙනවා සසර සැරි සරන තෙක් ඔබ මගේ ඔබ මගේ ගේය පද -ප්‍රේමකීර්ති ද අල්විස් තනුව හා ගායනය - ආචාර්ය වික්ටර් රත්නායක

Lenchina mage Nangiye - Sunil Edirisinghe | Story behind the Sinhala songs

ලෙන්චිනා මගෙ නංගියේ ඇයි ගංතෙරට වී ගොම්මනේ // පෙත්තරේ ලඟ පැන් තොටේ ගම්මානයේ පව් සෝදනා රත්තරන් වී කළු වලාකුළු චන්ද්‍රයා සේ පායලා ලෙන්චිනා ඇති වැඩ කලා දැන් ගෙදර යං කළුවර වුණා ලෙන්චිනා මගෙ... // පින්වතුන් කැල ඇන්ද සළුපිලි සේදුවා නුඹ සේදුවා තාම නෑ කිලිකුණු ගිහින් ඒ කිම්ද නොදැනේ කාරණා සේදිලා පරිශුද්ධ වීමෙන් යුග දෑත් නුඹෙ බබලනා ලෙන්චිනා මගෙ...// ගේය පද: රත්න ශ්‍රී විජේසිංහ ගායනය: සුනිල එදිරිසිංහ තනුව: රෝහණ වීරසිංහ

Punsada Reta Awidin Hene Kaluwa Bida

පුන්සඳ රෑට ඇවිදින් හේනේ කළුව බිඳ.. රන්කෙදි සේම රන්වන් ඉරිගු සිඹිනවාද.. තුන්යම හීන දැක දැක මොටදැයි ගෙදර හිද.. රන්කද තාම පැල් රකිනවාදෝ නිදි නැතිව.. නිල් තරු රෑන ඉඟි බිඟි පාන අහස යට.. පිල්කඩ උඩම ඇලවී ඉන්න හිතයි මට.. මී අඹ කන්න ගිරවුනි එන්න එපා හෙට.. මල් පිපුනාට ගෙඩි නෑ තාම අඹ ගහට... රන් කඳ සේම පින්සර මාගේ ඇතු නිදන.. රන් මල් යාන හීනෙන් දකින පින පමණ.. තුන්පත් රෑන වේදෝ කොහොම අප දෙදෙන.. රන් කැටි පුතුට ඉඩ මදි වාද මගෙ යහන... ගායනය : නිරෝෂා විරාජිනි සංගීතය : ඔස්ටින් මුණසිංහ පද රචනය : රත්න ශ්‍රී විජේසිංහ
හේන් වැඩපල තම ජීවන වෘත්තිය කරගත් අයෙක් තම ජීවිතයේ තවත් කඩ ඉමක් පසු කරයි. ඒ ඔහුගේ විවාහයයි. විවාහවූ පලියට ඔහු මෙතෙක් කරගෙන ආ දේවල් අත්හරින්නට ඔහුට නොපුලුවන, මන්දයත් තමා මෙන්ම තම බිරිඳද රැකෙන්නේ ඒ තුලින් බැවිනි. දහවල් කාලයේ හේන් වැඩපල සිදුකලද රාත්‍රී කාලයට ඒවා සතුන්ගෙන් ආරක්ෂා කර ගත යුතුය. එසේ නොමැති වුවහොත් තම උත්සාහය, මහන්සිය සියල්ලක්ම ගඟට කැපූ ඉනි මෙන් අපතේ යයි. විවාහයෙන් පසු තම ජීවන රටාව එලෙසටම පවත්වාගෙන යාමට ඔහුට සිදුවේ. ඒ අතරතුර බිරිඳ ගෙපැලේ තනිවෙයි. මේ ගීතයෙන් කියැවෙන්නේ එසේ තනිවූ මොහොතක ඈ තුල ජනිතවන සිතුවිලි සමුදායකි.