Malak Une ayi nuba mata

මලක් වුණේ ඇයි නුඹ මට
ජීවිතයට සුවද සලන..
එනමුදු සිප ගන්නට තහනම්..
විලක් වුණේ ඇයි නුඹ මට
ජීවිතයට සිසිල ඉසින..
දිය දෝතක් බොන්නට තහනම්..

පහන් තාරකාවක් සේ ජීවිතයට මග කීවද
ඒ එළියෙන් මහද පහන් දල්වනු කෙලෙසින්..
කියන්න.. මලක් වුණේ...

සහන් ගීතිකාවක් සේ ජීවිතයේ ගිම් නිව්වද
ඒ ගීයේ සොදුරැ වදන්
මුමුණනු කෙලෙසින්..
කියන්න.. මලක් වුණේ...

Akalata wata maha warusawak se

අකලට වට මහ වරුසාවක් සේ
අසුබ දිනක ආ සුබ පැතුමක් සේ
මා හැර ගිය ඔබ නොසිතූ
මොහොතක
ඇයි දෝ යළි ආවේ...

පෙරදා මෙන් හද මල් පිපුණාදෝ
සතුටු කදුළු නුවනග මිදුනාදෝ
අතීත ආදර නටඹුන් අතරේ
මන්දිර මැව්වාදෝ...

සොවක් නැතේ නොසිතනු මැන සංකා
ඔබෙන් ලබනු කුමටද අනුකම්පා
රජෙකුට හිමි වූ මා දැන් රැජිනකි
සතුටයි කිරුළ අපේ...

හෙට හමුවීමෙන් කිසිදු පළක් නෑ
ඔබේ ඇරයුම පිලිගන්න හිතක් නෑ
විමසන වදනට පිළිතුරු දෙන්නම්
ළගකදි ලබන දිනේ...

Sihina Nelum mal pokunu pura

සිහින නෙළුම් මල් පොකුණු පුරා
මගෙ පුතුගෙ කිරි සිහිනේ
සුවද කලා...
මගෙ ලොවම ඒ සිහිනේ පහන් වෙල
කිරි සුවද දේ මුවගේ
පවන් සලා...

බලා හිදින්නම් මා දිව රෑ පුතේ
මගෙ පුතු දිනෙන් දිනේ
ලොකු වෙන්නකෝ
සුළැගිල්ල පටලා හෙට යම් පුතේ
ඇවිදින්න මා හා
මිදුලේ වටේ......

අම්මා කියූ නාමේ මට දුන් පුතේ
රාජිනියකි දැන් මා
පුතුගේ පිනෙන්
හැම මවුවරුන්සේ අම්ම නුඹේ
සතුටින් හිදී පිහිනා
පුතුගේ නමින්

පුතු දකින උදයේ හැමදාම දැන්
නව දවසකී මට නම්
දෙන වාසනා
හිරු සදු දවල් රෑ මට පායලා
පුතු මිස වෙනත් කවුදෝ
සුරතල් පුතේ.....

Re sihine

රෑ සිහිනේ...
ඔබ ළග මා සැනසෙනවා
මා සැබැවින්
ඔබ ලග සිත ලතවෙනවා

මේ බැදුනු සෙනේ
කෙදිනද මා පවසන්නේ
ආදරිය කියා
කෙලෙසද මා අමතන්නේ
අපේ ලොවේ
කෙදිනද අප හමුවන්නේ

රෑ සිහිනේ...

ඈ සනසමින්
ගී වැල් ගයමි මෙමා
ඒ මිහිරි ලොවේ
සෙනසුම මා ලැබ ගන්නම්
කුමරියනේ කිමද
මා ගැන නොසිතන්නේ

රෑ සිහිනේ...

Mata epa Obe hasareli Bidhak

මට එපා ඔබේ හසරැලි බිදක්
හද වේදනා දෙනවා
මට එපා ඔබේ දෙනුවන් කැළු
හද වේදනා දෙනවා

සිහින ලොවේ මා අද තනි වෙනවා
සිතුවිලි සයුරු තෙරේ
නුඹට කාරි නැත මගේ දුකට මං
ගී පද වැල් ලීවේ...

මට එපා ඔබේ...

මතු දිනයකදී මාගෙන් සමුගෙන
ඔබ ඉවතට යනවා
අපේ මතකයේ බිදුවක් ඔබ හට
තිබුනොත් සෑහෙනවා...

මට එපා ඔබේ...