Hima Diyawee Himalaye - Amarasiri Peiris | Story behind the Sinhala songs

හිම දියවී හිමාලයේ යමුනා ගඟ නගයි තරංගා.. සුදු පෙණ කැටි බලන්න රාධා.. සුළඟ හමයි සීතල සාදා.. සීතල ගිනි ගනීද ක්‍රිෂ්ණා.. සිනා රැලි නගා උතුරණ ඔය හදවත් නීල ජලාසේ.. පීණන මේ ස්වර්ණ හංසයෝ.. අකීකරුද මෙතරම් රාධා.. ඉඩ දී දෙන්නට දඩුවම් දෑස පියා ගන්නම් ක්‍රිෂ්ණා.. හිම දියවී හිමාලයේ... මල් පෙති පොඩිවී ඉකිලන මේ හෝපලු යහන් තලාවේ.. සඳ දිය මිණිමෙවුලට වැටිලා.. දෑස නිලංකාරයි රාධා.. ගිලිහී ගියදෙන් මිණි කැට දෑස වසා ඉන්නම් ක්‍රිෂ්ණා.. හිම දියවී හිමාලයේ... ගායනය : අමරසිරි පීරිස් සමඟින් වසන්තා තිලකාංගනී පද රචනය : ධම්මික බණ්ඩාර සංගීතය : ඩැනිස්ටර් පෙරේරා

Sada Tharunihadai Gahakola Nisalai - Pandith Amaradewa | Story behind the Sinhala songs

සඳ තරු නිහඬයි ගහකොළ නිසලයි මුලු ලොව සැතපෙයි සිතිවිලි විතරක් අවදි වෙලා.... පියා නුවන් යුග නිවා හැඟුම් සිත සැතපෙන්නට වෙර දරන පැයේ පාලුව ත‍නිකම කුටියට අවුදින් හදවත අවදි කළා... මවා නුවන් ඔබ ඔබේ තෙපුල් සර සිහිනයකින් මෙන් ගලා රැයේ සෙනෙහස හඬවා මතකය ඉකි බිඳ හදවත අවදි කළා.... ගායනය : ඩබ්. ඩී. අමරදේව සංගීතය : එච්. එම්. ජයවර්ධන පද රචනය : කුලරත්න ආරියවංශ

Budu Hamuduruwo Wediya Wagei | Story behind the Sinhala songs

බුදු හාමුදුරුවො වැඩියා වාගෙයි පින්බර ස්වාමිනේ දුක හිතිලද හිර ගෙදරට වැඩියේ මාගෙ මරණ දිනේ මගෙ අම්මා වත් දොරටුව අද්දර හිටියද කියනු මැනේ මා ගෙලලූ බව ඇයට කියනවද බුදු බව ලැබෙයි අනේ අනේ ස්වාමිනි මා ගෙල ලන්නට ඉඩ නම් දෙන්න එපා ගෙලවැලලූවොත් මගෙ මළ කඳ අම්මට පෙන්නන්න එපා ඇතිදා ලඟ උන් මිතුරන් මතු සසරෙදි හමු වෙන්න එපා නැති දා ලඟ උන් බුදු අම්මේ නුඹ දුක් ගිනි ගන්න එපා නොදැන කෙරූවත් වරද වරදමයි නැත කිසි දිනක සමා මරණයෙ දොරකඩ සිට ඔබ පා යුග සිඹ සමු ගනිමි මෙමා කෙළිලොල් කම් පිරි මා සතු දිවිමග දැන් දැන් වේවි නිමා මරණ බයක් නෑ අම්මා සිහිවෙයි... බුදු හාමුදුරුවො වැඩියා වාගෙ පින්බර ස්වාමිනේ දුක හිතිලයි මා හිරගෙට ආවෙ පුතුගේ මරණ දිනේ දුදනන් ඇසුරින් පරපණ නැසුවත් නුඹ මගෙ පුතුය අනේ මතු උපදින දා මගෙම පුතු වෙයන් හොඳ මිනිසකු ලෙසිනේ ගායනය : සනත් නන්දසිරි/ මල්කාන්ති නන්දසිරි සංගීතය : සනත් නන්දසිරි පද රචනය : සනත් නන්දසිරි

Kawurunda Oba Mage - Sunil Edirisinghe | Story behind the Sinhala songs | Story | Lyrics | Meaning

කවුරුන්ද ඔබ මගේ.. කවුරුන්ද මා ඔබේ.. දෙතොල් සලා මුදු සිනහ නගන්නෙමු දෙනෙත් පුරා පිරි කඳුළු සලන්නෙමු.. හදවත් ගැහෙනා රිද්මය අතරේ.... සිතින් ගතින් එක්තැන් වී ඉන්නෙමු.. ප්‍රේමය ගොළුවී හඬා වැටීලා.. ඔබ හද මා හද රිදවන මොහොතේ.. ජීවිතයට හුරු පැරදුම හමුවේ.. නොදොඩා ගොළුවී බලා සිටින්නෙමු.. ගායනය : සුනිල් එදිරිසිංහ සංගීතය : රෝහණ වීරසිංහ පද රචනය : සමන් ආතාවුදහෙට්ටි

Obata Waram Nethi- KArunarathna Divulgane | Story behind the Sinhala songs

ඔබට වරම් නැති මටද වරම් නැති සෙනෙහස කොතැනද සැඟව ගියේ ඉවත ගලා ගිය කඳුලක දියවී ප්‍රථම ප්‍රේමයයි බොඳව ගියේ... // ඔහුට පුදන්නට පූජාසනයේ නොකිලිටි මල් පිපුනිද ලඳුනේ.. පෙති ගිලිහී ගිය පරසතු කුසුමක සුවඳ කොහේ කොතැනද රැදුනේ... ඔබට වරම් නැති..... ආ මඟ වැරදී ඔහුද ඔබද මා දෛවයේ තුන්මංසල හමුවී.. බලා හිඳිනු මිස හඬාවැටෙන්නට කඳුලක් නැ දෙනුවන පිපුනේ... ඔබට වරම් නැති..... පදමාලාව - රංජිත් රූපසිංහ  සංගීතය - නාලක අංජන කුමාර   ගායනය -  කරුණාරත්න දිවුල්ගනේ

Sonduriya Kalaya Kotharam Napuruda - Amarasiri Peiris | Story behind the Sinhala songs

සොඳුරිය කාලය කොතරම් නපුරුද දිවි හිමියෙන් කඳුළැලි පුරවාගෙන රැකගත් ආලය උදුරා ගෙන ගිය කාලය කොතරම් නපුරුද සොඳුරිය... පෙරුම් පුරා දුක සේ ගළපා ගත් කවිය ඔබම වී නැළැවුණු යුගයක හද ඇඳි ඔබ රුව සිහිනෙකවත් නැත ඒ රුව කෙතරම් මිහිරිද සොඳුරිය... ලොවට හොරා විළි ලා බිහිකර ගත් වසන්තයේ සඳ මියැදුණු දවසක බෙදා හදාගත් දුක වත් අද නැත ඒ දුක කොතරම් මිහිරිද සොඳුරිය... පදමාලාව - සමන්ත හේරත් සංගීතය - ප්‍රේමසිරි කේමදාස ගායනය -  අමරසිරි පීරිස්

Gaman Magak Thibunada Me - Rohana Weerasinghe | Story behind the Sinhala songs

ගමන් මගක් තිබුණාද මේ ප්‍රේම චාරිකාවේ... ගිමන් හලක් හමුවීද මේ ප්‍රේම චාරිකාවේ... නෙතින් ගැලු කඳුළින් මිදෙන්නට හිතේ සුසුම් ගිනි දැල් නිවා ඔබයි මමයි හැමදා හිඳින්නද ඉරයි හඳයි මියෙනා තුරා... අපේ පෙම් ලෝකයේ... ගමන් මගක් විමසා බලන්නට කෙනෙක් නොවී නෙත් මානයේ ඔබත් මුලා විය මමත් මුලා වුණි ඉමක් කොනක් නැති මාවතේ... විරහ පෙම් මාවතේ ... පදමාලාව - කුමාරදාස සපුතන්ත්‍රි සංගීතය - එඩ්වඩ් ජයකොඩි ගායනය -  රෝහණ වීරසිංහ

Handa Mama Udin Yathe - Victor Rathnayake | Story behind the Sinhala songs

හඳ මාමා උඩින් යතේ අපෙ මාමා බිමින් යතේ... හඳ මාමයි අපෙ මාමයි දෙන්නා එක කන්තෝරුවෙ වැඩ කෙරුවේ දෙන්නට දෙන්නා කිරි පැණි වාගෙයි කන්තෝරුවෙ නිලතල දැරුවේ... හඳ මාමා හැම මොහොතෙම ඉදිරියෙ අනාගතය ගැනමයි බැලුවේ අපෙ මාමා ඔහෙ කකුල් වන වනා එදා දවස ගැනමයි හිතුවේ... දියුණු වන්න වේලාවක් නැති විය අපෙ මාමා තව පහළ ගියා රාජකාරි හරි අකුරට ඉටුකළ හඳ මාමා තව ඉහළ ගියා... නිතරම තමන්ගෙ අනාගතය ගැන සිතීම වැදගත් නොවෙද කියා ආකාසේ ඉඳ තැන්පත් ගතියෙන් ඇත හඳ මාමා දෙනෙත අයා...

පද රචනය: ප්‍රේමකීර්ති ද අල්විස් තනුව හා සංගීතය: වික්ටර් රත්නායක ගායනය: ෆ්‍රෙඩී සිල්වා

Mame Me Bakamuna - HR Jothipala | Story | Story behind the song | Lyrics | Meaning | Video | MP4

මාමේ... මේ බකමූණා හා හා හ්ම් හ්ම් ගෑවා බිළිඳු නළෝලා... නළෝලා... මාමේ... මේ මූ මීමා කන්දෙන් පැන ආවා බිළිඳු නළෝලා... නළෝලා... මාමේ... කිරි මුට්ටිය නුඹෙ ගඟේ ගියා ගඟ දෙගොඩින් එය ගලා ගියා නැළවිලි ගී අහලා ඇතේ ඒවා හරි පරණයි පුතේ අලුතින් හදලා නැළවිලි ගීයක් මාමා කියයි නළෝලා... දොයි දොයි දොයි මගෙ දොයිය පුතේ දියුණට යන අය දුටොත් පුතේ කටු ගසනා අය හුඟක් ඇතේ නුඹ ඒ වැන්නෙක් නොවෙන් පුතේ මිනිසුන් අතරේ මිනිසෙක් වාගේ හිටපන් පුතේ සිනා වී... කළත් විවේචන බොහෝ දෙනා වැඩක් ඇති වැඩක් කරනු මනා නොකළොත් කාටත් බොරු වංචා හොඳ මිනිහෙක් වෙයි මේ පැංචා තුරුලට ගන්නා නට නට ඉන්නා නිදියන් පුතේ සමා වී...

පද රචනය : ප්‍රේමකීර්ති ද අල්විස් ගායනය : එච්. ආර්. ජෝතිපාල සහ ෆ්‍රෙඩී සිල්වා

Ada Ipaduna Newum Lowata - Sunil Edirisinghe | Story | Story behind the song | Lyrics | Meaning | Video | MP4

අද ඉපැදුණු නැවුම් ලොවට සිව් දෙවියනි වරම් දෙන්න පතිනි මවුණි බැල්ම හෙලා හද සුව යහනේ රකින්න// උපන් බිළිදු නහවන්නට රුවන් පිරිත පැන් වඩතී සිරි මා බෝ පත් සෙළවී මෙත් සිහිළෙන් සුවය දෙති දහසක් දෙව් බඹුන් නිතින තුන් තිස් පැය තනි රකිති සද හිරු දෙපසින් අවදිව කල්පයකට ආයු දෙතී කල්පයකට ආයු දෙතී සහසක් බුදු වදන් නිතර නැළවිලි ගීයෙන් ගයතී සිරි දළදා හිමි සරනින් පිහිට ලබා නිදුක් වෙතී උපන් පුතුට ලෙවන් අතර දහසක් කිරි මවුන් ඇතී බාල බිලිදු පිළි ගන්නට සමන් දෙවිදු දෝත දෙති සමන් දෙවිදු දෝත දෙති ගායනය : සුනිල් එදිරිසිංහ සංගීතය : රෝහණ වීරසිංහ පද රචනය : කුමරදාස සපුතන්ත්‍රි

Perum Puragena A Sansare - Senanayake Weraliyadda | Story behind the Sinhala songs

පෙරුම් පුරාගෙන ආ සංසාරේ පැතුමද සුනු විසුනුව වැ‍ටුනේ... කාටද රිදුනේ... කවුරුද හැඬුවේ... දුම්රිය මොහොතක් නතර වුනේ.... මලක් වගේ රොන් සුවඳ වගේ ජීවිතයේ සුව අපමන වේ..// දොලක් වගේ දිය දෝත වගේ ජීවිතයේ අම සිසිල දැනේ... පෙරුම් පුරාගෙන..... වරක් නෙතඟ කඳුලැල් පිරූනාදෝ සිතට දරාගනු බැරි දුක් වීදෝ..// දිවිය මොනතරම් සුන්දරදෝ දුකම කොයිතරම් සතුටක්දෝ ගී පද: මහකණුමුල්ලේ වජිර හිමි තනුව: සේනානායක වේරලියද්ද ගායනය: සේනානායක වේරලියද්ද

එක හාමුදුරු නමක් ලංකාවේ එක දුම්රියක ගමනක් යමින් උන්නා.. තම ගමන් කෙසේ වුවද තම පෑන අතට ගෙන යමක් ලියන්නට පුරුදුව සිටි හිමි නම ගීත ලියමින් උන්නා. මෙහෙම යන දුම්රිය එකවරම නතර වෙනවා..

Anna Balan Bera Hadin Udam Wee - Edward Jayakodi | Story behind the Sinhala songs

අන්න බලන් බෙර හඬින් උදම් වී දෑත දෙපා සෙලැවෙන අන්දම් අන්න බලන් උඩු ගුවන් තලේ හිඳ මාලක්‌කම කැරකෙන අන්දම් අනන්ත වූ බර හිසින් දරාගෙන වෙස්‌ තට්‌ටුව පැළඳුව සිරසේ කුසෙන් නැගෙන ගිනි දැලෙන් වෙලී ගොස්‌ රනේ රුවට නළලත දිළිසේ අවුල්හැරෙන් ඉණ හැඩෙන් වැසුණු කය රැඳෙන්නෙ නෑ කෙනෙකුගෙ දෑසේ දවුල් හඬෙන් තාලමෙන් වැසී ගිය කනට වෙනින් කිසිවක්‌ නෑසේ ගී පද: බණ්‌ඩාර ඇහැළියගොඩ තනුව: රෝහණ වීරසිංහ ගායනය: එඩ්වඩ් ජයකොඩි
කෙනෙක්‌ අසරණ වුණාම... විඳින හිත් වේදනාව දරාගන්න බැහැ. ජීවිත ගමනේදී අසරණ වන බොහෝ දෙනෙකුට තනිවෙන්නත් සිද්ධවෙනවා. තනිවෙන්නෙ නැහැ. සමාජය විසින් ඔවුන්ව තනි කරනවා. එවිට ඉපිද එන දුක හදවත පැලෙන තරමේ දුකක්‌. මේ වගේ අසරණ වුණු කීදෙනෙක්‌ විඳින වේදනාව සඟවාගෙන සමාජයට මුහුණ දෙනවාද. හදවතින් විඳින වේදනාව සඟවාගෙන අනෙකා සතුටු කරන කීදෙනෙක්‌ මේ සමාජයේ වෙසෙනවාද....

Re Ahase Tharuketa Paya Diluna - Athma Liyanage | Story behind the Sinhala songs

රෑ අහසේ තරු කැට පායා දිලුනා... මා තනි වී සිතිවිලි සයුරේ වෙලුනා... ඔබේ සුමුදු අත මා අත් පටලා තරු දහසක්‌ පායා ඇති දිනයක පියමං කෙරුවා පෙර අප දෙදෙනා තරු කැට අතරේ රැඳී දිලෙනවා සිතට දැනෙනවා... තරු එළියක්‌ වී දෙනෙතට වැටිලා සඳ කිරණින් ඔබෙ මුහුණ සේදිලා ආදරයෙන් අප පියමං කෙරු හැටි තරුකැට මා මතකයට ගෙනෙනවා සිතට දැනෙනවා... පදමාලාව - ප්‍රේමලාල් උඩුමුල්ල සංගීතය - ආත්මා ලියනගේ ගායනය - ආත්මා ලියනගේ
තරු පායා ඇති රැයක නිසොල්මනේ...... මොහොතක්‌ අහස්‌ කුස දෙස බලා සිටින්න. හරියට පුංචි පුංචි මල්වලින් හැඩ දැමූ කලු පැහැති පළසක්‌ වගේ...... එහෙමත් නැතිනම් මල්වත්තක්‌ වගේ..... අහස අන්ධකාරයි. ඒත් තරුවලට බියෙන් අන්ධකාරය සැඟවිලා. කෙතරම් සුන්දරද....... තරු පිරි අහස දෙස බලාසිටිද්දී හිතේ ඉපදෙන හැඟුම්....... සමහර වෙලාවට ප්‍රේමණීයයි. තවත් වෙලාවකට කලාත්මකයි.

Sitha Oba Pamula Radawa - Deepika Priyadarshani Peiris | Story | Story behind the song | Lyrics | Meaning | Video | MP4

සිත ඔබ පා මුල රඳවා බිඳි සෙනෙහස ගිනි උහුලා අහිමි විජිතයෙන් සමුගෙන යන්නම් ඔබට සෝ තැවුල් නොම වේවා. අසුරු සැනක්‌ වූ රුසිරු අතීතය සිහිනෙන් ගෑ මුදු සුවඳක්‌ සේ සදා රැඳේවා... ඔබේ ලොවේ... ඔබට පිදුම් වූ සිතක විරාගය කැටපත් පවුරක ගීයක්‌ සේ සදා රැඳේවා... ඔබේ හදේ... පදමාලාව - කුලරත්න ආරියවංශ සංගීතය - රෝහණ වීරසිංහ ගායනය - දීපිකා ප්‍රියදර්ශනී පීරිස්‌

ආදරයෙන් බැඳී සිටි දෙදෙනෙක්‌ වෙන් වුණොත් ..... සිතට දැනෙන වේදනාව කියා නිම කරන්න බැහැ. මේ බිඳී සුනු විසුණු වන්නේ ප්‍රථම ප්‍රේමය නම්..... වේදනාව තවත් වැඩියි. බිඳුණු පෙමක වේදනාවේ අන්තය බොහෝ විට වෛරයයි. ආදරයයි වෛරයයි අතරේ වෙනස හරියට කෙස්‌ ගසක්‌ වගේ කියලයි කවියෝ කියන්නේ. මේ වෛරය හරිම දරුණුයි. පෙම්වතා පෙම්වතියගෙන් වෙන්වුණොත් පෙම්වතිය පෙම්වතාට වෛර කරනවා. පෙම්වතිය පෙම්වතාගෙන් වෙන්වුණොත් පෙම්වතා පෙම්වතියට වෛර කරනවා.

ඔබට සිත ආදරේ කරයි - Dayarathna Perera | Story | Story behind the song | Lyrics | Meaning | Video | MP4

ඔබට සිත ආදරේ කරයි - දෙතොල ගොළුවී සිටියි
නැගුනු සෙනෙහේ කියනු බැරිවී
මගේ සිත වේදනා විඳියි...//

ලවන් හසකැන් නුවන් කැල්මන් - හොඳින් හඳුනන්නෙ ආදරේ
නුවන් රැහැනින් බැඳෙන්නට පින් - නොමැතිදෝ මා කෙරේ
මගේ විජිතේ සිනා නොමැකේ - විඩාපත් වේද ජීවිතේ
ඔබේ ඇසුරේ ඔබේ සෙවනේ - නවාතැන් වේද මාවතේ

ඔබේ පෙම් ලොල් හදේ නොකැලැල් - ලැගුම් සොයමින් නුවන් අයා
යොවුන් බිඟුදැල් හෙලූ හසරැල් - මසිත සුසුමන් දවා ගියා
මගේ විජිතේ සිනා නොමැකේ - විඩාපත් වේද ජීවිතේ
ඔබේ ඇසුරේ ඔබේ සෙවනේ - නවාතැන් වේද මාවතේ

Eda Medha Thura - Sanath Nandasiri | Story | Story behind the song | Lyrics | Meaning | Video | MP4

එදා මෙදාතුර කඳුලට විවරවු දෑස් පියන්පත් කවුළු වසා ළයේ ගලා ගිය සෙනේහයේ සුව සිනා පෙරූ රත් දෙතොල පියා... මිලාන වී ගිය රෝස කුසුම් පෙති කම්මුල් සුදුමැලි පාට පොවා දෑත ළයේ බැඳ අවසන් ගමනට සොඳුරිය මට නොකියාම ගියා... දෑස් කවුළුපත් පලා කඳුළු කැට වෑහෙද්දී මගෙ දෑස් අගින් කාත් කවුරුවත් වෙතත හිතයි මට පාත් වෙන්න ඔය මුවට උඩින්.... ඈත්ව යන්නට සමුගෙන කවුරුත් ඔබෙ මුව දොවතත් සුවඳ පැනින් මාත් මගෙ හිතටති ඔබ සුවඳයි ඈත්නොවේමෑයි ඒ සුවඳින්... ඊයේ ඉපදී අද මියයන්නට පෙරුම් පුරාගෙන උපන් ළයේ හීයේ වේගෙන් අහස උසට බැඳි ආදර ලෝකය හෙටත් තියේ... ඒත් ඉතින් දැන් සොඳුරියෙ ඔබ නැත... ඇයි මේ ලොව මා තනිව ගියේ... ආයේ දවසක එක හිත් ඇත්තන් වී අපි ඉපදෙමු එකට ප්‍රියේ..... ගායනය / තනුව: සනත් නන්දසිරි ගී පද : විමල් ජයශාන්ත

දවසක් සංගීත් නිපුන් සනත් නන්දසිරි මහත්මයව හම්බ වෙන්න තරුණයෙක් එනව. දන්න විදිහට දුම් රියපලක ස්ථානාධිපති කෙනෙක්. මේ කෙනා ගීයක පද පේළි කීපයක් ලියුව කඩදාසියක් සනත් නන්දසිරි මහත්මයට දීලා කියල තියෙනව "මහත්මයෝ මේ මම ලියන අන්තිම සින්දුව. මම ආයෙත් සින්දු ලියන්නෙ නැහැ. පුලුවන්කමක් තියෙනවනම් ඕක කියන්න" ය කියල. සනත් නන්දසිරි හොඳින් පැදි පේලිය කියවලා අහනවා "ඇයි මේ වගේ දෙයක් ලියන්න හේතුව" කියල. පිළිතුර වෙන්නේ "ඕක මගේ ඇත්ත අත්දැකීමක්" යන්න පමනයි.

Thuruliya Nisalai - Iman Perera | Story | Story behind the song | Lyrics | Meaning | Video | MP4

පි: තුරුලිය නිසලයි - වැව් දිය සසලයි      තනිකම ඉවුරු බිඳියි      මග අතරමංව හිඳිමි      ඔබ කොහිද කොහිද සොයමි ගැ: ඔබ ළඟම ළඟම හිඳිමි ගැ: සසර පුරා සුවඳ සරා       ඔබම ළඟම රැඳෙමි       ඔබ කොහිද කොහිද සොයමි පි: ඔබේ සුසුම් සුවඳින් පෑරී     වෙල් ඉපනැල්ලේ පවන් සළයි     ගංදොර සුහුඹුල් මතකය වැළපී     සිත මා තෙමා වැටෙයි     ඔබ කොහිද කොහිද සොයමි පි: ඔබේ සුරත් පහසින් ගිලිහී     ලියගොමු ලන්දේ සොවින් සැළෙයි     තණපත් මුතුපිණි කඳුළින් බරවී     ඔබ පා පහස පතයි     ඔබ කොහිද කොහිද සොයමි ගැ: ඔබ ළඟම ළඟම රැඳෙමි

හදවතින්ම ආදරය කරන කෙනෙක්‌ වෙන් වුනොත්... නැත්නම් මිය ගියොත්... දැනෙන වේදනාව... වචනවලට පෙරළන්න පුළුවන්ද.... බැහැ... මුළු ලෝකයම හිටියත් වැඩක්‌ තියේද... ඇය... ඔහු නැති ජීවිතය... තනිකම පාලුව ඉවසන්න බැහැ....

Me Anantha Rathriye - Damith Asanga | Story | Story behind the song | Lyrics | Meaning | Video | MP4

මේ අනන්ත රාත්‍රියේ සඳේ නුඹ කොහේ තාරුකා කියන්නකෝ නිදන්නෙ ඈ කොහේ අඳුරේ ගිලී නොපෙනී ගියේ සුසුමයිලු මා ඇගේ යුග නෙත් මගේ කඳුළින් තෙමී තනිවේද මා අනේ ජීවිතේට මං කියූ තාරකාවියේ දැන් ඉතින් නුඹත් ගියා කලුවරයි අනේ අම්බරේහි සඳ නොවී එළිය දුන් ලියේ දැන් ඉතින් නුඹත් ගියා කලුවරයි අනේ
හුඟ දෙනෙක්‌ ආදරය කරන්නේ ඔවුනොවුන් එකිනෙකාට අයිතියි කියා හිතලා... ඒත්... මේ ආදරවන්තයන් බොහෝමයක්‌ම අයිති ඔවුන්ට නොවෙයි. වෙනත් අයට ඒ නිසා සමහරවිට මේ අය අසම්මත පෙමක රස බලන්නන්. ඒත් ආදරය කියන්නේ වෙන් වෙන්න පුලුවන් බැඳීමක්‌ද එය හරිම අමාරුයි තේරුම් ගන්න.